23
Сен
Բեռնման ու բեռնաթափման աշխատանքների կազմակերպման հիմնական պահանջները
Բեռնափոխադրում իրականացնող ցանկացած տրանսպորտային ընկերություն միշտ կանգնում է բեռնման ու բեռնաթափման աշխատանքների կազմակերպման խնդրի առաջ։ Չէ որ, այդ աշխատանքների իրականացման որակից է կախված բեռների ապահովությունը փոխադրման ժամանակ։
Բեռնման ու բեռնաթափման աշխատանքների կազմակերպման հիմնական փուլերը
Բեռնման ու բեռնաթափման աշխատանքների կազմակերպման գործընթացը բաղկացած է հետևյալ հիմնական փուլերից՝
- ✓ 1-ին փուլ՝ նախապատրաստական աշխատանքներ- Այս փուլում կազմվում է պլան, որի համաձայն պետք է կատարվեն հետագա աշխատանքները։
- ✓ 2-րդ փուլ՝ փաթեթավորում և գծանշում - Բեռը պետք է հնարավորինս ուշադիր փաթեթավորել, որպեսզի հետագայում քերծվածքներ կամ այլ վնասներ չլինեն։
- ✓ 3-րդ փուլ՝ բեռնում և բեռնաթափում – Սա ամենակարևոր փուլն է։
- ✓ 4-րդ փուլ՝ ամրացում - Իրականացվում է բեռն անվնաս փոխադրելու նպատակով։
- ✓ 5-րդ փուլ՝ բեռնաթափում - Այս փուլն իրականացվում է ցանկով։ Փոխադրվող բոլոր բեռները պետք է նշված լինեն ցանկում։
- ✓ 6-րդ փուլ՝ փաթեթավորում և հավաքում - Իրականացվում է բեռը տեղ հասցնելու ժամանակ։ Բեռի հավաքումից հետո նոր միայն այն փոխանցվում է պատվիրատուին։
Բեռնման և բեռնաթափման աշխատանքների անցկացման վայրի հիմնական պահանջները
Բեռնման ու բեռնաթափման աշխատանքների անվտանգ կազմակերպումը տարատեսակ բեռների որակյալ փոխադրման երաշխիքն է։ Աշխատանքների անցկացման վայրի կազմակերպմանը տրվում է առանձնակի նշանակություն։
- ✓ Կոնստրուկցիաներ կամ հող փոխադրելիս, վերջիններս պետք է տեղավորել հատուկ գծված տարածքում, որն ընդունակ է նման զանգվածի բեռ պահել։
- ✓ Տարածքները, որտեղ իրականացվում են աշխատանքները, պետք է ունենան 50-ից ոչ պակաս թեքություն։ Եթե օգտագործվում է էլեկտրաբեռնատար, թեքությունը չպետք է գերազանցի 30-ը։
- ✓ Տարածքում պետք է տեղադրվեն անվտանգության նշանները և գծված լինեն ապրանքի սահմանները, ինչը կապահովի ճանապարհային երթևեկության անվտանգությունը։
- ✓ Այն վայրերում, որտեղ պարբերաբար իրականացվում են բեռնման գործընթացներ, աշխատանքները կատարվում են տարատեսակ ստացիոնար կառույցներում։
- ✓ Ցուրտ եղանակին, տարածքը պետք է մաքրված լինի ձյունից, սառույցից և ավազապատվի։
Անվտանգության հիմնական նորմերը
Բեռնման ու բեռնաթափման աշխատանքների կանոնների խախտումը (անուշադրությունը) պատճառ է հանդիսանում աշխատակիցների անվտանգության մասին օրենքի խախտման։
Աշխատանքների իրականացման ժամանակ պետք է հաշվի առնել անվտանգության բոլոր գործոնները։
- ✓ Արգելվում է իրականացնել աշխատանքներ, 12 մ/վ կամ ավելի արագությամբ քամու ժամանակ։
- ✓ Արգելվում է իրականացնել աշխատանքներ, եթե վնասված է ճախարակը, կռունկը կամ արգելակման մեխանիզմը։
- ✓ Բեռը թույլ է տրվում տեղափոխել, եթե վերջինիս չափսերը չեն գերազանցում թույլատրելի նորմերը։
- ✓ Վտանգավոր բեռի փոխադրման համար պետք է օգտվել հատուկ սարքերից ու հարմարանքներից։
- ✓ Եթե ապրանքները զբաղեցնում են տրանսպորտային միջոցի երկարության 1/3-ից ավելին, ապա վերջիններիս բեռնումն ու բեռնաթափումը պետք է իրականացվի 2 կամ ավելի մարդու կողմից։
- ✓ Ներքևի շարքերի ամուր փաթեթավորման համար թույլատրվում է դարսակներով ամրացնել, հակառակ դեպքում բեռը կարող է վնասվել։
- ✓ Եթե բեռնումը իրականացվում է ձեռքով, ապա դարսակի բարձրությունը չպետք է գերազանցի 2 մետրը։
- ✓ Արգելվում է աշխատող մարդկանց գլխավերևով բեռ բարձրացնել։
- ✓ Վտանգավոր վայրերում պետք է կրել պաշտպանիչ միջոցներ։
Աշխատանքների իրականացման անվտանգությունը նաև կախված է՝
- ✓ աշխատանքների կազմակերպման միջոցի ընտրությունից, սարքավորումներից ու տեխնիկական գործընթացից,
- ✓ աշխատանքների անցկացման վայրի նախապատրաստումից ու կազմակերպումից,
- ✓ աշխատակիցներին պաշտպանիչ միջոցներով ապահովելուց։
Աշխատանքները իրականացնող բոլոր աշխատակիցները պետք է ունենան հետևյալ գիտելիքները՝
- ✓ առաջին բուժօգնության իրականացում,
- ✓ հակահրդեհային անվտանգության կանոնների տիրապետում,
- ✓ արագ արձագանքում արտակարգ իրավիճակներում։
Մեկնաբանությունները